Түркі әлемінің ортақ әліпбиі: Астанада қазақ және қырғыз әріптерінің үлгісі таныстырылды

АСТАНА. KAZINFORM – Астанада Түркі Академиясы жанындағы Ортақ түркі әліпбиі комиссиясының төртінші отырысы өтті. Ғалымдар әліпбиді қолдану жөніндегі ұсынымдарды және оның негізінде әзірленген қазақ және қырғыз әліпбилерінің үлгілерін мақұлдады. Жиын қорытындысында Ортақ түркі әліпбиін одан әрі қолданысқа енгізуді қолдайтын декларацияға қол қойылды.